Чеченистондан Украинадаги урушда иштирок этиш учун 60 344 нафар жангчи юборилган. Бу ҳақда республика раҳбари Рамзан Қодиров маълум қилди. Урушга юборилганларнинг 22 064 нафари кўнгиллилардир, айни пайтда жанговар ҳаракатлар зонасида 13 минг жангчи бор. Қодиров 7 май куни Россия президенти билан учрашувда уруш бошланганидан бери Чеченистондан 55,5 минг жангчи, жумладан, 21,6 минг кўнгилли юборилганини айтганди.

АҚШ президенти Дональд Трамп миллиардер Илон Маскнинг янги “Америка” партиясини “аҳмоқона” дея баҳолади. Бу ҳақда BBC хабар берди. Трамп мамлакатда учинчи партияга асос солиш “чалкашлик”ни янада кучайтиришини таъкидлади.
“Учинчи партияга асос солиш аҳмоқона фикр, деб ўйлайман. Доимо икки партиявий тизим амал қилган. Менимча, учинчи партияни тузиш чалкашликни янада кучайтиради”, деди Трамп.

Археологлар Перу шимолидаги Барранка провинциясида 3,5 минг йиллик қадимий шаҳар қолдиқларини топди. Шаҳар номи Peñico деб аталган. У Тинч океанининг соҳил бўйи аҳолисини Анд тоғлари ва Амазонка ҳавзасида яшовчилар билан боғлайдиган асосий савдо маркази бўлган.

Шимолий кореялик эркак дунёдаги энг хавфли чегаралардан бирини кесиб, Жанубий Кореяга қочиб ўтди. Қуролсиз бўлган номаълум эркак кучли қуролланган демилитаризация зонасини кесиб ўтган. Жанубий Корея ҳарбийлари уни чегаранинг марказий-ғарбий қисми яқинида таъқиб қилган. Шундан сўнг эркак ҳудуддан хавфсиз ўтиши учун унга кўрсатмалар берилган. Кейин эса у ҳибсга олинган.

Польша 7 июлдан бошлаб Германия билан чегара ҳудудида доимий чегара назоратини жорий этди. Тегишли чора камида 5 августга қадар амал қилади. Ҳозирда 52 та назорат-ўтказиш пунктида танлаб текшириш ўтказилмоқда. Польша яқин орада Литва билан чегарада ҳам шундай чораларни қўлламоқчи.

<iframe width="650" height="420" src="https://www.youtube.com/embed/SJdp7NBFtfk" title="Polsha Germaniya bilan chegaradagi nazoratni kuchaytirdi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Ирода Жўраева, Улуғбек Тўхтаев, ЎзА