Жаҳон иқтисодиёти ва дипломатия университети ҳузуридаги Истиқболли халқаро тадқиқотлар институти (ИХТИ) илк бор “Think Road forum-2025” анжуманига мезбонлик қилмоқда. “Шаклланаётган минтақавийлик даврида Марказий Осиёда барқарор ривожланишни қайта кўриб чиқиш” мавзусидаги ушбу икки кунлик мулоқот майдони дунёнинг турли давлатларидан келган сиёсатчи, дипломат, олим ва экспертлар, халқаро ташкилотлар, давлат сектори ва фуқаролик жамияти вакилларини жамлади.

Форумнинг асосий мақсади кескин геосиёсий ва иқтисодий ўзгаришлар шароитида минтақанинг барқарор, инклюзив ва узоқ муддатли ривожланиш йўлини белгилашга хизмат қилувчи илмий асосланган фикр-мулоҳазаларни шакллантиришдир.

Институт директори Акрам Умаров модераторлигида очилган тадбирда Олий Мажлис Сенати Раисининг биринчи ўринбосари, ЖИДУ ректори Содиқ Сафоев, Президент маслаҳатчиси ўринбосари Жавлон Ваҳобов ҳамда Питтсбург университети профессори Женифер Брик Муртазашвили сўзга чиқиб, минтақамиз олдидаги стратегик танлов, ўзгараётган геосиёсат, интеграция жараёни ва глобал трансформациянинг таъсири хусусида фикр билдирдилар.

[gallery-26310]

Биринчи кун геосиёсий хавфсизлик, иқтисодий ўсиш, савдо ва транспорт занжири, қайта тикланувчи энергияга ўтиш, иқлим ўзгаришига мослашиш ва сув ресурсларини бошқариш каби долзарб масалалар муҳокама қилинди.

Иштирокчилар адолатли энергия трансформацияси, самарали сув дипломатияси, регламентни модернизация қилиш ва минтақавий институтлар салоҳиятини кучайтириш бўйича амалий таклифларни илгари сурдилар.

“Think road forum-2025” доирасида геосиёсат, иқтисодиёт, энергетика, иқлим, рақамли технология ва ижтимоий сиёсат кесишган нуқталарда янги ғоялар, ҳамкорлик лойиҳалари ва сиёсий тавсиялар ишлаб чиқилади.

Мазкур анжуман ташкилотчиларнинг илмий тадқиқотни амалий сиёсат билан боғлаш, минтақавий муҳокамадан келиб чиқадиган устувор йўналишларни ўрганиш ва таҳлилий фаолиятга татбиқ этиш борасидаги асосий вазифасини яна бир бор тасдиқлайди.

<iframe width="650" height="420" src="https://www.youtube.com/embed/BZVlSoPNAnQ" title="Xalqaro anjuman kun tartibida – barqaror rivojlanish maqsadi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Дониёр Ёқубов (видео),

Носиржон Ҳайдаров (сурат), ЎзА