Ўзбекистон Республикаси Давлат активларини бошқариш агентлиги “Халқ IPO” сини ўтказиш учун етакчи маслаҳатчини жалб қилиш бўйича танлов эълон қилди.

Маслаҳатчи “Халқ IPO” си ўтказиладиган корхоналарни ўрганиб, акцияларни сотиш тартиби бўйича таклифлар тақдим этиши керак бўлади. Шунингдек, ундан битимда иштирок этадиган корхоналар учун мезонлар ишлаб чиқиш ва  жойлаштириладиган қимматли қоғозлар сонини санаб чиқиш  талаб этилади. Маслаҳатчи андеррайтерлар, брокерлар ва бу жараёндаги бошқа иштирокчиларнинг ишини мувофиқлаштиради.  

Даъвогар компаниялар тақдим этадиган тижорий таклифлар жорий йилнинг 1 июнига қадар  қабул қилинади. Талабномаларни кўриб чиқишда  консалтинг компанияларининг 2018 йилдан кейинги МДҲ давлатларининг шунга ўхшаш лойиҳалари бўйича тажрибаси ҳам ҳисобга олинади.  

Президентимизнинг жорий  йил 24 мартдаги “Иқтисодиётда давлат иштирокини қисқартиришнинг қўшимча чора-тадбирлари тўрғисида”ги  қарорига мувофиқ, “Битта акция  - битта лот” тамойили асосида “халқ IPO” си ўтказилади.  

Ўзбекистон Республикаси Давлат активларини бошқариш агентлиги энг яхши таклифларни саралаб, савдо жараёнларини мувофиқлаштириш учун профессионал ташкилотларни жалб қилишни режалаштирмоқда.  

Роман БОНДАРЧУК, ЎзА мухбири