Акциядорлик тижорат Халқ банки тадбиркорларни молиявий қўллаб-қувватлаб, жойларда ишбилармонлик муҳитини яхшилаш борасида амалга оширилаётган саъй-ҳаракатларнинг фаол иштирокчиларидан саналади. Банк томонидан ишлаб чиқариш, қишлоқ хўжалиги, хизмат кўрсатиш ва савдо каби турли соҳалар учун таклиф этилаётган кредит маҳсулотлари ҳамда хизматлари тадбиркорларга ўз бизнесини кенгайтириш, янги лойиҳаларни амалга ошириш, иш ўринларини яратиб, аҳоли бандлигини таъминлашда кўмаклашиб келмоқда.

Шуларни инобатга олиб Халқ банки Бухоро вилоятидаги тадбиркорлик объектлари билан оммавий ахборот воситалари, журналист ва жамоатчилик фаолларини яқиндан таништириш мақсадида пресс-тур ташкил этди.  

Пресс-тур доирасида оммавий ахборот воситалари вакиллари, жамоатчилик фаоллари учун “Давлат ташкилотларида коммуникациянинг ўзига хос хусусиятлари” мавзусида махсус семинар-тренинг ташкил этилди. Унда молиявий қўллаб-қувватланган тадбиркорлик субъектлари ҳамда амалга оширилаётган ишлар юзасидан маълумотлар берилди.  

Шундан сўнг, иштирокчилар банк томонидан молиявий қўллаб-қувватланган вилоятдаги тадбиркорлик объектларида бўлиб, манзилдаги фаолият билан яқиндан танишди.  

“Султон Малика Зардўз” МЧЖ ўзбек миллий ҳунармандчилигини дунёга танитаётган етакчи корхоналардан бири ҳисобланади. Миллий ҳунармандчиликнинг нафис санъати бўлган зардўзлик ва каштачилик орқали ўзбек халқининг бой маданий меросини дунёга танитиб, хорижий бозорларда катта қизиқиш уйғотмоқда.  

[gallery-19933]

Корхона ўз фаолиятини кенгайтириш ва замонавий технологияларни жорий қилиш мақсадида Халқ банкидан 1 миллиард 200 миллион сўмлик кредит олган. Ушбу молиявий ёрдам эвазига корхона ускуналар харид қилиб, ишлаб чиқариш ҳажмини янада оширди.  

– Бугунги кунда корхонада 40 дан зиёд ишчи фаолият юритмоқда. Улар миллий ҳунармандчиликнинг энг яхши намуналарини яратишга хизмат қилмоқда, – дейди корхона раҳбари Маҳфуза Салимова. – Хорижий мижозлар орасида миллий зардўзлик ва каштачилик маҳсулотларига катта талаб бор. Корхона маҳсулотлари ички бозордан ташқари БАА, АҚШ ва Қозоғистонга ҳам экспорт қилинмоқда.  

Халқ банки ҳунарманд тадбиркорларни қўллаб-қувватлаш орқали уларнинг ишлаб чиқариш қувватини кенгайтиришга, технологик янгиликларни жорий қилишга ва халқаро бозорга чиқишга кўмаклашмоқда. “Султон Малика Зардўз” МЧЖнинг муваффақияти ушбу молиявий кўмакнинг самарали эканлигини кўрсатиб, Ўзбекистоннинг миллий ҳунармандчилик соҳасидаги ютуқларини жаҳонга танитишда муҳим рол ўйнамоқда.  

Тадбир давомида оммавий ахборот воситалари вакиллари ўзларини қизиқтирган саволларга соҳа мутахассисларидан аниқ жавоблар олди.  

<iframe width="560" height="315" src="https://www.youtube.com/embed/9u3hsM21ARI?si=ZHVjaE-jyNy2rO6n" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Зариф Комилов, Тоҳиржон Истатов (видео+сурат),

ЎзА мухбирлари.