Пойтахтимизда Бизнес-омбудсманлар ва IV Бизнесда ҳалоллик халқаро форуми бўлиб ўтди.

Нуфузли халқаро тадбир Ўзбекистон Республикаси Президенти ҳузуридаги Тадбиркорлик субъектларининг ҳуқуқларини ҳимоя қилиш бўйича вакил девони ва Коррупцияга қарши курашиш агентлиги томонидан ташкил этилди.  

Форумда 10 га яқин мамлакатдан 250 нафардан ортиқ иштирокчи қатнашди. Европада Хавфсизлик ва ҳамкорлик ташкилоти, Бирлашган Миллатлар Ташкилоти, Иқтисодий ҳамкорлик ва тараққиёт ташкилоти ҳамда Жаҳон банки каби халқаро ташкилотлар вакиллари ҳам иштирок этди.

Тадбирда тадбиркорлар ҳуқуқларини ҳимоя қилишнинг институционал механизмларини мустаҳкамлаш, ҳалол бизнес амалиётлари ва коррупцияга қарши халқаро илғор тажрибалар муҳокама қилинди.

Шунингдек, Шарқий Европа ва Марказий Осиёдаги Бизнес-омбудсман институтлари фаолияти, тадбиркорлар ҳуқуқларини ҳимоя қилишдаги роли, асосий тенденциялар ва муваффақиятли миллий ташаббуслар ҳам эътиборга олинди.

Форум доирасида "Бизнес-омбудсман институтларини ривожлантириш: минтақавий тажриба таҳлили ва асосий хулосалар" мавзусида муҳокамалар бўлиб ўтди.

Форум якунида Ўзбекистон бизнесининг коррупцияга қарши курашиш Хартиясига янги аъзоларни қўшиш маросими бўлиб ўтди.

<iframe width="640" height="420" src="https://www.youtube.com/embed/0XqayW5-Qnc" title="Halol biznes amaliyotlari va korrupsiyaga qarshi xalqaro ilg‘or tajribalar o‘rganildi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Гулноза Бобоева,

Нишонбой Абдувоитов (видео), ЎзА