Ассалому алайкум. Ўзбекистон Миллий ахборот агентлиги виртуал мухбири сизларни ўтган ҳафтада содир бўлган муҳим воқеа ва ҳодисалар тафсилотлари билан таништиради.

Саккизинчи декабрь - Конституция куни  

Ўзбекистон Республикаси Конституцияси бир минг тўққиз юз тўқсон иккинчи йил саккизинчидекабрда қабул қилинган. Ушбу байрам бутун Ўзбекистон бўйлаб кенг нишонланади. Президент Шавкат Мирзиёев Конституция куни муносабати билан Ўзбекистон халқига байрам табриги йўллади.

***

Ўзбекистон Президенти Шавкат Мирзиёев Конституция байрами муносабати билан қилмишига чин кўнгилдан пушаймон бўлган ва тузалиш йўлига қатъий ўтган жазо муддатини ўтаётган тўрт юз ўттиз саккиз нафар шахсни афв этиш ҳақидаги фармонни имзолади.

***

Тўртинчи декабрь куни Шавкат Мирзиёев Халқаро атом энергияси агентлиги директори Рафаел Гроссини қабул қилди.

Учрашувда миллий агентликларнинг компетенсиялари ва салоҳиятини ошириш, юқори малакали кадрлар тайёрлаш, ядро энергетикаси, қишлоқ хўжалиги, сувдан фойдаланиш, соғлиқни сақлаш, экология соҳаларида истиқболли лойиҳаларни амалга ошириш масалалари муҳокама қилинди.

***

Тошкентдан Хўжакентга янги электропоезд йўлга қўйилди. Олтинчи декабрь куни Шавкат Мирзиёев мазкур электропоездга чиқиб, Хўжакентга келди.Вагонларда ўриндиқлар сони беш юз саксон олтита. Поезд соатига бир юз йигирма километргача тезликка чиқа олади. Ҳар бир тарафга кунига учтадан қатнов йўлга қўйилади.

***

Тошкентда Халқаро табиатни муҳофаза қилиш иттифоқининг ваколатхонаси очилади.

Бу бўйича битим Саудия Арабистонининг Ар-Риёд шаҳрида бўлиб ўтаётган конференция доирасида Ўзбекистон экология вазири Азиз Абдуҳакимов ва Халқаро табиатни муҳофаза қилиш иттифоқининг бош директори Гретел Агилар томонидан имзоланди.

***

Таеквондо WТ бўйича икки карра Олимпия ўйинлари чемпиони Улуғбек Рашитов икки минг йигирма тўртинчи йилда жаҳон миқёсида йилнинг энг яхши эркак таеквондочиси, деб топилди. Соврин Гонконгда топширилди.Ушбу номинация ғолиби бутун дунё бўйича овоз бериш йўли билан аниқланган.

***

BBC нашрининг “Дунё бўйлаб илҳомлантирувчи ва нуфузли юз аёл” рўйхатигаўзбекистонлик тадбиркор Дилором Йўлдошева ҳам киритилди.

Сурхондарё вилояти Денов туманидан бўлган Дилором Йўлдошева икки йил олдин ўрим-йиғим пайтида икки оёғидан айрилган. Фожиадан кейин у янги ҳаётни бошлаб, тикувчилик бизнесини очди. У тадбиркорлик асосларини ўрганиб, қирқдан ортиқ шогирд тайёрлади. Компанияси қисқа муддатда ўсиб, бепул устахоналар очиш билан бирга, ишчилар ва ўқувчилар учун кийим ишлаб чиқариш шартномаларини тузган.

***

Бугунга етказмоқчи бўлган хабарларимиз шулардан иборат. Ўзбекистон Миллий ахборот агентлигиникузатишда давом этинг.

<iframe width="650" height="420" src="https://www.youtube.com/embed/fPTI6q5-Oyc" title="Hafta dayjesti" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>