Гвинеяның бұрынғы президенті Мусса Дадис Камара 20 жылға бас бостандығынан айырылды.

Ол осыдан 15 жыл бұрын ел астанасы Конакридегі стадионда 150-ден астам адам қаза тауып, 100-ден астам әйелді қорлаған адамзатқа қарсы қылмыстар жасады деп айыпты деп танылды.

Конакридегі сот процесін Guinea Matin жаңалықтар порталы тікелей эфирде көрсетті.

Прокуратура 60 жастағы бұрынғы президентті өмір бойына бас бостандығынан айыруды сұрады. Камармен бірге сотқа оның жанында жүрген, сол кездегі мемлекеттік қызметте жұмыс істеген 11 адам тартылған. Олардың жетеуі кінәлі деп танылып, 10 жылдан 18 жылға дейін бас бостандығынан айырылды.

Камараның президенттігі кезінде мемлекеттік жүйелерде маңызды рөл атқарған Клод Пивидің сырттай 25 жылға бас бостандығынан айырылғаны және оны қамауға алуға халықаралық ордер берілгені атап өтілді.

Еске сала кетейік, Мусса Дадис Камара Гвинея үкіметінің басына мемлекеттік төңкеріспен келген (2008). Қазіргі президент Мамади Думбуя да дәл осылай президент болған (2021).