Тынық мұхиты жағалауында, Гватемала мен Мексика шекарасында 6,7 балдық жер сілкінісі болды.

Гватемала ұлттық сейсмология, вулканология, метеорология және гидрология институтының хабарлауынша, жер сілкінісі кейбір қалалардың инфрақұрылымына зақым келтіріп, жолдар бұзылып, ғимараттар қирады. Зардап шеккендер туралы мәлімет жоқ.

Жер сілкінісі 13 мамырда жергілікті уақыт бойынша таңғы сағат 5:39-да Сан-Маркос жағалауынан 90 шақырым жерде, 25 шақырым тереңдікте болды.