24 шілдеде Өзбекстан Республикасының Президенті Шавкат Мирзиёев Түркімен халқының ұлттық көшбасшысы, Түркіменстан Халық Кеңесінің төрағасы Гурбангулы Бердімұхамедовпен телефон арқылы сөйлесті.

Әңгімелесу басында Гурбангулы Бердімұхамедов Мемлекет басшысын туған күнімен шын жүректен құттықтап, бауырлас Өзбекстан халқына бейбітшілік және гүлдену тіледі.

Өзбекстан мен Түркіменстан арасындағы достық, тату көршілік және стратегиялық серіктестікті одан әрі нығайту мәселелері талқыланды.

Өнеркәсіп, энергетика, ауыл шаруашылығы, көлік және басқа да салалардағы практикалық ынтымақтастық тұрақты түрде кеңейіп келе жатқаны атап өтілді.

Өзбекстан мен Түркіменстан басшылары өңірлік күн тәртібіндегі мәселелер бойынша да пікір алмасты, алдағы іс-шаралар жоспарын талқылады.