Сирдарё вилоятининг Гулистон туманида Ўзбекистон Республикаси Мустақиллигининг 31 йиллиги олдидан “Янги Ўзбекистонда эл азиз, инсон азиз” шиори остида маънавий-маърифий ва маданий тадбир ташкил этилди. Унда ижтимоий ҳимояга муҳтож, "Темир дафтар" ва "Аёллар дафтари" рўйхатига киритилган оилалар 15 нафар фарзандининг суннат тўйи ўтказилди.

Тўй болаларга туман ҳокимлиги ҳамда "Маҳалла" хайрия жамоат фонди Гулистон туман бўлинмаси ҳузурида очилган "Саховат ва кўмак" жамғармаси ҳамда ҳомийлар томонидан велосипед, кийим-кечак, бошқа эсдалик совғалари топширилди.

Мустақиллик, ёшлик, севги-муҳаббатни тараннум этувчи куй-қўшиқлар ижро этилди.
 

Шуҳрат Суяров, ЎзА