18 жастағы үндістандық гроссмейстер Гукеш Доммаражу Халықаралық шахмат федерациясы (FIDE) тарихындағы ең жас әлем чемпионы атанды.

Сингапурда өткен жарыста ол қытайлық әлем чемпионы Дин Лижэнді жеңді. Жалпы есеп – 7,5:6,5.

Осылайша Гукеш 1985 жылы 22 жасында әлем чемпионы атанған кеңестік шахматшы Гарри Каспаровтың рекордын жаңартты.

Доммаражу – шахмат бойынша 18-ші әлем чемпионы. Ол мұндай жетістікке жеткен екінші үндістандық. Оған дейін Вишванатан Ананд әлем чемпионы болған алғашқы үндістандық атанған еді.