Өзбекстан Сыртқы істер министрі Бахтиёр Саидов Қытайға сапары барысында Гуанчжоуда өткен бизнес-форумға қатысты.

«Біз бүгін Гуанчжоуда Өзбекстан-Қытай бизнес-форумын ашқанымызға қуаныштымыз. Екі елдің жетекші компанияларының 300-ден астам өкілі ынтымақтастық орнату және қалыптасқан қарым-қатынастарды нығайту, жаңа бірлескен инвестициялық жобаларды жүзеге асыру мәселелерін талқылау үшін осындай маңызды мүмкіндікті пайдаланды. Сонымен қатар, шара барысында бірқатар келісімдер мен меморандумдарға қол қойылды», - деп жазды Өзбекстан СІМ басшысы өзінің Telegram-каналында. 

Бұған дейін Өзбекстан Сыртқы істер министрлігінің басшысы Қытайға сапары аясында Гуандун провинциясының губернаторы Ван Вэйцзюньмен кездескен еді.