Грузия үкіметі жанындағы Коронавирусты қарсы күрес кеңесі қалалық көлік қозғалысына тыйым салуды ұзартты және оқу жылын қашықтықтан бастау туралы шешім қабылдады.

Күрделі эпидемиологиялық жағдайға байланысты қоғамдық көліктегі шектеу 13 қыркүйекке дейін ұзартылды. Бұған дейін қалалық көлік 14 тамыздан 4 қыркүйекке дейін шектелген болатын.

Мектептер мен жоғары оқу орындарындағы дәстүрлі оқу 15 қыркүйекте емес, 4 қазанда басталатыны хабарланды. Балабақшалар да 4 қазанда ашылады.

Грузия Денсаулық сақтау министрлігінің мәліметінше, соңғы тәулікте елде 4 778 коронавирус инфекциясының жағдайы анықталды. Пандемия басталғалы бері елде 549 ​​811 адам коронавирус жұқтырып, 7 408 науқас қайтыс болған.