Gruziya prezidenti mamlakatdagi saylovlarga o‘z munosabatini bildirdi
“Gruziyadagi mahalliy hokimiyat organlariga saylovlar tinch va raqobat asosida bo‘lib o‘tdi”, deyiladi mamlakat prezidenti Salome Zurabishvilining telemurojaatida.
“REGNUM” xabariga ko‘ra, u: “Murakkab siyosiy va qutblashgan saylovoldi muhitga qaramasdan, saylovlar tinch, adolatli, xavfsiz va raqobat asosida bo‘lib o‘tdi. Demokratiya va barqarorlik sari qadam tashlanishi juda muhim”, deb ta’kidlagan.
Markaziy saylov komissiyasining dastlabki ma’lumotlariga ko‘ra, “Gruziya orzusi – Demokratik Gruziya” partiyasi 48,56 foiz, muxolifatdagi “Milliy birlik harakati” partiyasi esa 31,23 foiz olgan.