Tramp ma’muriyati o‘lkada immigratsiya siyosati qattiqlashtirilganiga qaramay, “Green Card” lotereyasi g‘oliblari soni kamaymagan, deb hisoblaydi.

Ta’kidlanishicha, Donald Trampning ikkinchi muddati boshlanishidan oldin o‘tkazilgan “yashil karta” lotereyasi taxminan 20 million arizadan 131 060 nomzodni tanlab olgan.                                                                             

Lotereyani yutib olish AQSHda doimiy yashashni avtomatik ravishda kafolatlamaydi. Tanlangan ishtirokchilar yillik 55 mingga yaqin vizalar kvotasi doirasida immigratsion viza olish uchun ariza topshirish imkoniyatiga ega. Biroq Qo‘shma Shtatlar qonunchiligidagi tuzatishlar tufayli 2026 yilda mavjud vizalar soni taxminan 51 850 tagacha kamayadi.                                     

Eslatib o‘tamiz, joriy yilning 20 yanvar kuni Tramp AQSHning 47-prezidenti sifatidagi birinchi nutqida noqonuniy muhojirlarning Qo‘shma Shtatlarga kirishini zudlik bilan to‘xtatishga va millionlab migrantlarni ekstraditsiya qilish jarayonini boshlashga va’da bergandi. 

Dekabr oyi boshida AQSH ichki xavfsizlik vaziri Kristi Noem Braun universitetidagi otishmada gumon qilingan shaxs ushbu dastur orqali mamlakatga kirganini ma’lum qildi. Shundan so‘ng, “Green Card” lotereyasi dasturi to‘xtatib qo‘yilgandi. 

G.Sattorova, O‘zA