Греция парламенті Константинос Тасуласты елдің жаңа президенті етіп сайлады. Инаугурация рәсімі 13 наурызда өтеді.

Консервативті «Жаңа демократия» партиясының кандидаты, бұрынғы парламент спикері Константинос Тасулас президенттікке лайық деп танылды.

Тасуластың сайлануы қазіргі президент Катерина Сакелларопулудың 2025 жылдың 13 наурызында аяқталатын өкілеттік мерзіміне байланысты өткен төртінші дауыс беру нәтижесінде жүзеге асты. Жаңа президент 160 дауыс жинады. Парламенттің 300 депутатының 276-сы дауыс беруге қатысты. Кандидаттың сайлануы үшін жай ғана көпшілік дауысы (кемінде 151 депутаттың қолдауы) қажет еді.

Парламенттегі 300 орынның 156-сы билеуші «Жаңа демократия» партиясының депутаттарына тиесілі.

Сонымен қатар, басқа президенттікке үміткерлердің жинаған дауыстары:

• Тасос Янницис – 34 дауыс,
• Лука Кацели – 29 дауыс,
• Костас Кириаку – 14 дауыс.

Инаугурация рәсімі 13 наурызда, қазіргі президент Катерина Сакелларопулудың өкілеттік мерзімі аяқталатын күні өтеді.

Айта кетейік, Грецияда президент тікелей халық дауыс беруі арқылы емес, парламент депутаттарының шешімімен бес жыл мерзімге сайланады.