Грецияда қулаб тушган ёнғин ўчирувчи самолёт учувчилари ҳалок бўлди
Юнонистоннинг Эвбея оролида ёнғин ўчоғини бартараф қилишда иштирок этган “Canadair CL-215” самолёти ҳалокатга учради.
“Эвбея оролида ҳаракатланган самолёт экипажи – мамлакат ҳарбий ҳаво кучлари зобитлари вафоти муносабати билан миллий мудофаа вазири Никос Дендиас томонидан мамлакат қуролли кучларида уч кунлик мотам эълон қилинди”, - дейилади вазирлик тарқатган хабарда.
Грециянинг “ERT” телеканали учоқ қулаб тушаётганини намойиш қилган. Дастлаб дарахтга урилган самолётнинг қаноти узилиб тушган.
ЎзА