Камида 15 киши Грециянинг Лесбос ороли соҳилларида мигрантлар ўтирган кеманинг ҳалокатга учраши оқибатида ҳалок бўлди, деб ёзмоқда Франс Пресс агентлиги соҳил қўриқчилари берган маълумотга таяниб.

“Кема бортида келиб чиқиши африкалик бўлган 40 га яқин йўловчи бор эди. Ҳалок бўлган 15 кишидан ташқари, яна бир неча киши бедарак кетган”, дейилади хабарда. Кема кучли шамол сабабли чўкиб кетгани айтилмоқда.