Кинематография агентлиги буюртмаси биноан “Ёшлик” киностудияси томонидан суратга олинган “Монтаж” қисқа метражли фильми Лос-Анжелесда шу йилнинг апрель ойи охирида ўтказиладиган “Indie Short Fest” халқаро кинофестивалида иштирок этади.

Мазкур фильм кинофестивалнинг “Энг яхши талабалик иши” йўналиши бўйича финал иштирокчилари сафидан ўрин олди.

Маълумот учун, режиссёр Дилшодбек Усмоновнинг “Монтаж” фильми Кинематография агентлиги томонидан ўтказилган “Debyut start-2021” қисқа метражли фильмлар кинофестивалида иккинчи даражали “Гран-при” мукофотини қўлга киритган ҳамда “Энг яхши эркак роли учун” номинациясида ғолиб бўлган эди.

ЎзА