Kecha tunda AQShda Google qidiruv tizimi va Gmail elektron pochta xizmatlarida ommaviy uzilishlar yuz bergan.

Bu haqda RIA Novosti internet-resurslari faoliyatini kuzatib boruvchi Downdetector sayti ma’lumotlariga asoslanib xabar beradi.

Qayd etilishicha, ko‘plab internet foydalanuvchilari elektron sahifalar va hisob qaydnomalariga kirishda muammolar yuzaga kelayotganidan shikoyat qilgan.

Xabarda aniqlik kiritilishicha, Google qidiruv tizimi va Gmail elektron pochta xizmatlarida yuzaga kelgan shu kabi muammolar ayni vaqtda Avstraliya, Yaponiya, Rossiya, Ukraina davlatlarida ham kuzatilmoqda.