Гонконгда COVID-19 билан касалланиш бўйича антирекорд қайд этилди
Гонконгда ўтган сутка давомида коронавируснинг янги ҳолатлари бўйича антирекорд қайд этилди – касалланганлар сони 34 466 нафарга етган.
Бу ҳақда “RTHK” радиостанцияси хабар бермоқда.
Расмийларнинг айтишича, сўнгги 24 соат ичида 87 бемор COVID-19 асоратларидан вафот этган.
Январь ойидан буён Гонконгда COVID-19 нинг бешинчи тўлқини давом этмоқда, деб хабар беради “ТАСС”.
Ушбу мегаполисда мактаб, спорт, маданият ва кўнгилочар масканлар ёпилган. Аҳолининг икки кишидан ортиқ гуруҳ бўлиб тўпланиши тақиқланади.
Айни пайтда шаҳарда вақтинчалик тиббий ва карантин муассасалари жадал суръатлар билан қурилмоқда.