Гондурастағы әйелдер түрмесінде сейсенбі күні бүлік шығып, кем дегенде 41 сотталушы қаза тапты7

Қоғамдық істер министрлігінің сот-медициналық бюросы мәліметінше, ел астанасы Тегусигальпадан шамамен 35 шақырым жерде орналасқан әлеуметтік бейімдеу ұлттық әйелдер түрмесінде 25 құрбанның күйіп, 16-сы оқтан қаза тапқаны анықталған. 

Тәртіпсіздіктер билік түрмеде теледидарлар мен басқа да құрылғыларға тыйым салу және тәркілеу сияқты жаңа ережелер жарияланғаннан кейін басталған.

Жергілікті БАҚ-тың хабарлауынша, жараланған тұтқындар Тегусигальпадағы ауруханаға жеткізілген кезде, өртенген денелер мен басқа да қорқынышты көріністер әлеуметтік желілерде тараған.

«Біз бұл түрмедегі вандализмге немесе бұзушылықтарға жол бермейміз», - деп жазды қауіпсіздік министрінің орынбасары Хулисса Виллануева тәртіпсіздіктер басталған кезде, төтенше жағдай жариялап, полицияның, әскерилердің және өрт сөндірушілердің «жедел араласуына» рұқсат беріп.

Билік таяу сағаттарда қаза тапқандардың ресми санын және олардың есімдерін жариялайды деп күтілуде.