Гондурас президенти Хуан Орландо Эрнандес ва унинг рафиқасида коронавирус инфекцияси борлиги тасдиқланди, деб хабар тарқатди маҳаллий HCH телеканали.

“Мамлакат президенти ва масъулиятли фуқароси сифатида маълум қиламанки, ўтган якшанба куни ўзимни ёмон ҳис қила бошладим, душанба куни менда COVID-19 инфекцияси борлиги маълум бўлди”, - деди Эрнандес.

«Президентлик вазифасини масофадан туриб бажаришда давом этаман ҳамда яккаланиш тартибига амал қиламан» , дея қўшимча қилди у.

Эрнандеснинг маълум қилишича, унинг хотинида ҳам коронавирус инфекция аниқланган.