Россия Федерацияси пойтахти Москва шаҳридаги ЦСКА спорт мажмуасида ҳарбий боксчилар ўртасидаги 58-жаҳон чемпионати қизғин давом этмоқда.

Бугун 21 сентябр куни жаҳон чемпионатининг саралаш жангларида иштирок этган 4 нафар ўзбекистонлик боксчиларнинг барчаси ғалаба қозонди.

Қизлар ўртасида 51 килограмм вазнда юртимиз шарафини ҳимоя қилаётган Азиза Якубова беларуслик Юлия Аванасовичга ҳеч қандай имконият қолдирмади ва  кейинги босқичга йўл олди.

81 кг. оғирликда иштирок этаётган Шоҳрухбек Рустамов суриялик Таха Яхё билан ўтказган жанги ҳам ҳамюртимизнинг устунлигида якун топди.

Ҳудди шунингдек, Жавоҳир Тоғаймуродов 91 кг. вазнда тунислик Мелки Муҳаммад Алини ҳамда ва энг оғир вазнли боксчимиз(+91)Лазизбек Муллажонов озарбайжонлик рақиби Муҳаммад Абдуллаевни томошабинлар сафига кузатиб қўйди.

Жаҳон чемпионати давом этмоқда.

Т. Рўзиев, ЎзА