Ўзбекистон Республикаси Президенти Шавкат Мирзиёев Исломобод шаҳрига давлат ташрифи доирасида “Gohar Textile” компанияси асосчиси Гоуҳар Мустафо билан учрашди.

Компания пахта толасини қайта ишлашга ихтисослашган бўлиб, маиший тўқимачилик маҳсулотларини ишлаб чиқариш бўйича катта тажрибага эга.

Учрашув давомида мамлакатимизда тўқимачилик маҳсулотларини биргаликда ишлаб чиқаришни йўлга қўйиш ва Ўзбекистон корхоналарини халқаро етказиб бериш занжирларига интеграция қилиш истиқболлари муҳокама қилинди.