AQSH Davlat kotibi Marko Rubio va Pentagon rahbari Pit Xegset Vashington global qurol bozorida yetakchilik mavqeini saqlab qolishiga ishonch bildirgan. Bu haqda “USA Today” nashri yozdi.

Ta’kidlanishicha, xorijiy sheriklardan Amerika harbiy aslahalariga buyurtmalar qiymati 900 milliard dollarga yetgan. Binobarin, ittifoqchilar allaqachon puli to‘langan qurol-yaroq yetkazib berilishini bir necha yil kutishga majbur bo‘lmoqda. Maqolada keltirilishicha, hozir 190 mamlakat va mintaqadan jami 16 000 dan ziyod shunday buyurtma olingan.

S.Rahimov, O‘zA