Birlashgan Arab Amirligining Dubay shahrida shaxmat bo‘yicha o‘tkazilgan “Global Chess League“ turnirining birinchi bosqichi yakunlandi.

Dunyoning eng kuchli shaxmatchilaridan tashkil topgan 6 ta jamoa o‘n turdan iborat aylanma tarzda kechgan bahslarda ishtirok etdi.  

Xabar berganimizdek, mazkur nufuzli musobaqada hamyurtlarimiz Nodirbek Abdusattorov “Balan Alaskan Knights“ jamoasi tarkibida,  Javohir Sindorov “UpGrad Mumba Masters“ tarkibida g‘oliblik uchun kurash olib bordi.  

Saralash musobaqalari yakuniga ko‘ra, to‘plagan ballari yuqori bo‘lgan "Triveni Continental Kings" va "UpGrad Mumba Masters" jamoalari final musobaqasida ro‘baro‘ keldi.  

Shiddatli o‘tgan o‘yinda "Triveni Continental Kings" jamoasi g‘oliblikka erishdi. Javohir Sindorov qatnashayotgan “UpGrad Mumba Masters“ vakillari esa 2-o‘rin bilan kifoyalandi.  

Tarkibidan Abdusattorov joy olgan “Balan Alaskan Knights“ jamoasi so‘nggi pog‘onadan joy oldi.  

T.Ro‘ziyev,

O‘zA