Самарқанд вилояти хуқуқни муҳофаза қилувчи органлар хамкорлигида ўтказилган тезкор тадбирда Пастдарғом ва Пайариқ туманларида гиёҳвандлик моддаларини етиштириб келаётган жиноий гуруҳ аъзолари қўлга олинди.

Пастдарғом туманида яшовчи, 1976 йилда туғилган М.А цемент сақлаш омборхонасидаги 4 сотих ер майдонида жиноий шериклари – Пастдарғом туманида яшовчи, 1992 йилда туғилган Х.Б. ҳамда Тошкент шаҳрида яшовчи 1984 йилда туғилган Р.А. билан биргаликда 610 туп “марихуана” гиёҳвандлик воситасини парваришлаб келаётганлиги аниқланди.

Яна бир тезкор тадбирда Пайариқ туманида яшовчи, 1970 йилда туғилган А.А. яшаш хонадонида 103 туп “кўкнори” гиёҳванд ўсимлигини парваришлаб келганлиги аниқланиб, ҳужжатлаштириб олинди. Ҳозирда ушбу шахсларга нисбатан Ўзбекистон Республикаси жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

ЎзА