Ғиждувонда гиёҳвандлик ўсимлигини экиб парваришлаш билан боғлиқ жиноят фош этилди. Бу ҳақида Бухоро вилояти Ички ишлар бошқармаси ахборот хизмати маълум қилди.

Вилоят ИИБ тезкор ходимлари томонидан ўтказилган “Қорадори-2023” кенг қамровли тадбири давомида Ғиждувон тумани Кўкча маҳалласида жойлашган “Шамшоджон-Хушнудбек” оилавий корхонаси томонидан “Ғиждувон ўрмон хўжалиги”дан ижарага олинган яйлов ер майдони кўздан кечирилган.  

Натижада корхона ишчиси Шофиркон тумани Пашмон маҳалласида яшовчи 1977 йилда туғилган фуқаро Х.И. яйловдан ўтган ариқ бўйидаги 1 метр квадрат ерга ишлов бериб, унда бир туп “Каннабис” ўсимлигини қонунга хилоф равишда экиб, парваришлаб келаётганлиги аниқланади.  

Мазкур ҳолат юзасидан туман ИИБ томонидан Ўзбекистон Республикаси Жиноят Кодексининг 270-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.  

Зариф Комилов, ЎзА