Пойтахтимизнинг Юнусобод туманида жойлашган “Универсал” спорт мажмуасида “Гимнастика барча учун” шиори остида ўтказилган Ўзбекистон Республикаси Президенти кубоги мусобақаси иқтидорли ёшларни аниқлаш билан бирга аҳоли вакилларининг соғлом турмуш тарзи билан ошно тутинишида муҳим аҳамият касб этди.

Республика финал босқичда ҳудудий босқичда сараланган энг кучли жамоалар ғолиблик учун баҳс олиб борди.

Қизғин ва шиддатли кечган мусобақалар якунига кўра, Тошкент шаҳрининг "Evikids" жамоаси “Президент кубоги”ни қўлга киритди. Шунингдек, турли номинациялар бўйича ғолиб ва совриндорлар аниқланди.

Хотин-қизлар ўртасида соғлом турмуш тарзини кенг тарғиб қилишга қаратилган мусобақалар якунида совриндорлар тегишли тартибда диплом ва эсдалик совғалари билан тақдирланди.

"Evikids"" жамоасига бош соврин Ўзбекистон Республикаси Президенти кубоги тантанали равишда топширилди.

Т.Рўзиев, ЎзА