Joylarda tabiiy gaz ta’minotini yaxshilash maqsadida tegishli chora-tadbirlar ko‘rilmoqda.
Jumladan, Buxoro viloyati G‘ijduvon tumanining 4 ta – “O‘zanon”, “G‘ovshun”, “Mirzayon”, “Xadicha” mahalla fuqarolar yig‘inlarida gaz ta’minotini yaxshilash uchun yer osti gaz quvuri rekonstruksiya qilinmoqda.
–Ishlab chiqilgan loyiha-smeta hujjatlariga asosan 6,2 km gaz quvurlarini rekonstruksiya qilish ishlari rejalashtirilgan bo‘lib, hozir 3 kilometrdan ortiq gaz quvurlari ta’mirlandi, –deydi “G‘ijduvontumangaz” gaz ta’minoti bo‘limi xodimi Dilshod Po‘latov. – Qurilish ishlari gaz ta’minoti filiali tasarrufidagi Qurilish-montaj boshqarmasi xodimlarining 4 nafar payvandlovchi hamda 6 nafar chilangari tomonidan maxsus mashina va mexanizmlarni jalb qilgan holda amalga oshirilmoqda.
Natijada hududlarda istiqomat qiluvchi yigirma mingdan ortiq aholi xonadonida tabiiy gaz ta’minoti yanada yaxshilanishiga erishiladi.
[gallery-15488]
Zarif Komilov, Tohirjon Istatov (surat), O‘zA muxbiri