O‘zbekiston Respublikasi Gidrometeorologiya xizmati markazidan ma’lum qilinishicha, joriy yilning 17 oktyabr kuni O‘zbekistonning shimoliy, 18-19 oktyabr kunlari qolgan hududlariga Volgabo‘yi orqali Rossiya Yevropa qismining (Moskva viloyati) markaziy hududlari ustida shakllangan sovuq va nam havo massalari kirib keladi.

Havo harorati 8-10 daraja iliqgacha pasayishi kutilmoqda.

17-19 oktyabrda havo harorati kechalari 3-8 daraja iliq, respublika shimolida ba’zi joylarda 0-2 daraja sovuq, kunduz kunlari 15-20 iliqgacha pasayadi.

17-19 oktyabrda respublika bo‘yicha ba’zi joylarda yomg‘ir yog‘adi, tog‘oldi va tog‘li hududlarda kuchli bo‘lishi mumkin.

Baland tog‘larda yog‘ingarchilik (yomg‘ir qorga aylandi) bo‘ladi.

17-18 oktyabr kunlari respublika bo‘yicha ba’zi joylarda shamol 15-20 m/s gacha kuchayishi kutilmoqda.

O‘zA