Ўзбекистон Республикаси Гидрометеорология хизмати марказидан маълум қилинишича, жорий йилнинг 17 октябрь куни Ўзбекистоннинг шимолий, 18-19 октябрь кунлари қолган ҳудудларига Волгабўйи орқали Россия Европа қисмининг (Москва вилояти) марказий ҳудудлари устида шаклланган совуқ ва нам ҳаво массалари кириб келади.

Ҳаво ҳарорати 8-10 даража илиқгача пасайиши кутилмоқда.

17-19 октябрда ҳаво ҳарорати кечалари 3-8 даража илиқ, республика шимолида баъзи жойларда 0-2 даража совуқ, кундуз кунлари 15-20 илиқгача пасаяди.

17-19 октябрда республика бўйича баъзи жойларда ёмғир ёғади, тоғолди ва тоғли ҳудудларда кучли бўлиши мумкин.

Баланд тоғларда ёғингарчилик (ёмғир қорга айланди) бўлади.

17-18 октябрь кунлари республика бўйича баъзи жойларда шамол 15-20 м/с гача кучайиши кутилмоқда.

ЎзА