Frankfurt aeroportida bojxona xodimlari sayohatchining qo‘l yukidan 11 mingdan ortiq olmos donalarini topdi, deb xabar bermoqda “DPA” axborot agentligi.

Ta’kidlanishicha, 53 yoshli erkak Germaniyaga Angoladan kelayotgan bo‘lgan. 

– Olmoslar deklaratsiya qilinmagan edi va angolalik shaxs qimmatbaho toshlar uchun sertifikat ko‘rsata olmagan, - deyiladi xabarda.

Xabarga ko‘ra, olmoslarning aniq qiymati hali ham noma’lum, “boyvachcha” huquqni muhofaza qilish organlari tomonidan darhol hibsga olingan.

S.Rahimov, O‘zA