Iqlim o‘zgarishi birgina Germaniyaga 2050 yilgacha 900 milliard dollargacha ziyon keltirishi mumkin, deb yozmoqda mamlakatda chiqadigan Handelsblatt gazetasi.

Ekologiya-iqtisodiy instituti (IÖW), iqtisodiy tuzilmalar tadqiqotlari hamjamiyati (GWS) va Shveysariyaning Prognos AG tahlil instituti birgalikda olib borgan tadqiqotlarga ko‘ra, global isish ko‘lamiga qarab, 2022 yildan to 2050 yilgacha  GFR iqtisodiyoti ko‘radigan zarar  280 dan  900 milliard dollargacha yetishi mumkin.  

“Iqlim o‘zgarishi hozirdanoq jiddiy iqtisodiy oqibatlarga olib kelmoqda, kelajakda bundan ham battar bo‘lishi mumkin”, degan iqtisodiyot va iqlimni himoya qilish vazirligining stats-kotibi Shtefan Vensel ushbu nashrga.