Германиянинг Магдебург шаҳрида 60 ёшли эркак коронавирусга қарши 90 маротаба эмланган, деб ёзмоқда маҳаллий ОАВ.

Уни ҳозир полиция ҳибсга олган. Тахмин қилинишича, у сертификатларни сотиш учун ушбу ишга қўл урган.
«Уни Айленбург шаҳридаги тиббий пунктда қўлга олишга муваффақ бўлинди. Бу ерга у навбатдаги “дозани” олиш учун қаторасига икки кундан буён қатнаётган  бўлган.
Полиция унинг эмланганлик ҳақидаги бир нечта бланкасини мусодара қилган. Маълум бўлишича, у ҳар гал вакцина олгани янги ҳужжат билан келган», - дея таъкидлайди маҳаллий нашрлар.
Ўтган йили декабрь ойида Италиянинг Биелла шаҳарчасида ҳам худди шундай ҳолат кузатилганди. Маҳаллий аҳоли вакили коронавирус инфекциясига қарши вакцина олиш учун силикон протез билан келган ва ўзининг қўли ўрнида кўрсатган, бироқ врачларни алдай олмаган.