Германия парламенті (Бундестаг) депутаттарының көпшілігі қайта дауыс беру барысында канцлер Олаф Шольцқа сенімсіздік вотумын қолдады.

Deutsche Welle дерегіне сүйенсек, 394 депутат Шольцқа сенімсіздік білдірсе, 207 депутат оны қолдап дауыс берген, ал 116 депутат бейтарап қалды.

Енді Олаф Шольц Германия президенті Франк-Вальтер Штайнмайерге парламентті тарату туралы ұсыныс жасауы тиіс. Бұл шешімді қабылдауға Германия президентіне 21 күн уақыт беріледі. Дегенмен, қазіргі үкімет 2025 жылғы 23 ақпанда өтуі жоспарланған кезектен тыс сайлауға дейін өз қызметін жалғастыра береді.

ZDF зерттеуіне сәйкес, қазіргі уақытта Германия канцлері қызметіне ең лайықты үміткер ретінде Христиан Демократиялық Одағы партиясының жетекшісі Фридрих Мерц танылып отыр. Оны Германия азаматтарының 40 пайызы қолдаса, ал Шольцқа бар болғаны 31 пайызы сенім білдірген.