Германияда вирус юқтириб олган фуқаролар сони бир миллион нафарга етди.

Умуман олганда Европа мамлакатларида карантин чоралари босқичма-босқич бекор қилинаётгани кўҳна қитъада, жумладан олмон юртида ҳам касаллик жадал суръатда урчиб кетишига асосий сабаб қилиб кўрсатилмоқда.

Дунё миқёсида пандемия бошлангандан буён 60 миллиондан ортиқ COVID-19 хасталиги билан боғлиқ холат қайд этилди. 1,4 миллион киши вирус оқибатида вафот этган.

Aйни пайт Берлиндаги аэропорт декабрь ойи ўрталаридан бошлаб вирусга қарши эмлаш марказига айланиши айтилган.

Бутун дунё декабрь охири ёки январь бошларида вакцина келишини кутмоқда.

Германия узоқ вақт эпидемияни бошқариш бўйича нафақат Европада, балки жаҳонда етакчи мамлакатлардан бири бўлиб келди. Aфсуски, иккинчи тўлқин бу ривожланган давлатга ҳам жиддий зарба берди.

Маълумот ўрнида келтириш жоиз, ГФРда ҳозиргача 1 006 394 касаллик қайд қилинган, охирги 24 соат ичида эса айни кўрсаткич 22 806 тани ташкил этмоқда.