Германияда илк бор коронавирус аниқланган шифохонада ишлаётган юртдошимиз билан суҳбат Германияда илк бор коронавирус Мюнхендаги "Швабен" шифохонада февраль ойида аниқланган эди. Айнан шу шифохонада бизнинг юртдошимиз Ҳабиба Ҳамдамова ижтимоий гуманитар тиббий ташкилотида кўнгилли сифатида ишлаб келади. Ҳабиба Ҳамдамованинг айтишича, Германияда илк коронавирус касаллиги хитойлик ўқитувчидан таҳсил олувчи эркакда аниқланади. Шундан сўнг Германияда гигиенага қатъий риоя этиш ва ижтимоий масофа сақлаш тавсия этилади. Кейинчалик март ойининг бошларида мамлакатда карантин эълон қилинади. Аммо, бу вақтгача аҳоли одамлар кўп йиғиладиган жойга боришдан тийила бошлаган, кўчага чиқишни ҳам камайтирган. Тўлиқ карантин эълон қилингач эса фақатгина зарурий дорихона, озиқ-овқат дўконлари ва ўт-ўчирувчилар каби соха вакиллари иш фаолиятларини тўхтатмаганлар. Аҳоли қоидаларга тўлиқ риоя қилиб зарурат бўлмаганда кўчага чиқишни камайтирган.

Ёлғиз яшовчи қарияларга аҳоли келишиб олган ҳолда ёрдам кўрсатмоқда ва бу маҳаллий ҳокимиятнинг аралашувисиз амалга ошмоқда, дейди Ҳабиба опа. Мюнхенда 16 йилдан буён яшаб келаётган юртдошимиз Ҳабиба Ҳамдамова мамлакат ичкарисидан туриб, бизга вазиятни гапириб берди.

Бугунги кунда карантинга тўлиқ риоя қилган Германияда 3 майдан босқичма-босқич карантин чекловлари енгиллаштирилиши маълум қилинган. Аҳолида тартиб юқори бўлгани сабабли мазкур мамлакатда бошқа Европа давлатларига нисбатан ўлим ҳолати ҳам нисбатан кам учради. Коронавирус тузалганлар сони салмоғи билан ҳам Германия ҳозирда бошқа давлатлардан олдинда кетмоқда.