Германияда эпидемиологтар соңғы айда коронавирусты жұқтыру жағдайларының көбеюін тіркеді.

Роберт Кох институтының хабарлауынша, коронавирусқа байланысты дәрігерлерге бару саны бір аптада 175%-ға өскен.

Осы аптада Германияда ресми түрде 2,4 мың COVID-19 жағдайы анықталды. Сонымен қатар, елде коронавирустың жалпы ауруы пандемия кезіндегі ең жоғары көрсеткіштермен салыстырғанда төмен деңгейде қалып отыр, делінген хабарламада.

Денсаулық сақтау қызметтері қауіп тобындағы неміс тұрғындарын күзде күшейткіш дозалармен вакцинациялауға шақырған.

Еске салар болсақ, мамыр айында Дүниежүзілік денсаулық сақтау ұйымы бұдан былай COVID-19 коронавирусын жаһандық денсаулыққа ерекше қауіп ретінде қарастырмайтынын мәлімдеген еді.