Германияның Байройт қаласында «Бавария-Өзбекстан ынтымақтастық қоғамы» (BUK) құрылды.

«Dunyo» мәліметінше, қоғамның негізгі мақсаты - Бавария мен Өзбекстан аймақтары, әртүрлі саладағы ұйымдар мен компаниялар арасында ынтымақтастық орнату, кеңейту және тереңдету. 

Ұйымның басқарма құрамын сайлауға арналған жиында қоғамның президенті болып Байройт әлеуметтану ғылымдарының докторы Маркус Фидлер, вице-президент бизнесмен Карлхайнц Брейцманн және медицина дәрігері Матиас Ольшевский тағайындалды.

Доктор Маркус Фидлер өзінің президенттік міндетінен басқа, мәдени және ғылыми ынтымақтастыққа, вице-президент Карлхайнц Брейцманн экономикалық ынтымақтастыққа және доктор Маттиас Ольшевскиге медициналық және денсаулық сақтау саласындағы ынтымақтастыққа жауапты болады.

Ынтымақтастық ұйымы қала өкілдерінің қатысуымен өтетін мәдени бағдарламалардан бөлек, облыстың ірі кәсіпкерлерімен кездесулер ұйымдастыруды жоспарлап отыр.

«Қазіргі уақытта қызметімізді бастауымыз кездейсоқ емес. Қоғамның қызметі бүкіл Баварияны қамтуы керек. Сондай-ақ алдағы бірнеше күнде Бавария министрліктерімен келіссөздер жүргізу жоспарлануда», - деген қоғам президенті, доктор Маркус Фидлер.