Futbol bo‘yicha Yevropa chempionatining chorak finali doirasida Ispaniya - Germaniya va Portugaliya - Fransiya terma jamoalari bahsi bo‘lib o‘tdi.

Dastlab, Germaniya Ispaniyaga 1:2 hisobida imkoniyatni boy berib qo‘ydi. Bellashuvning 51-daqiqasida Olmo hisobni ochgan bo‘lsa, Virs 89-daqiqada muvozanatni tikladi. Qo‘shimcha bo‘limlar tugashi arafasida Merino g‘alaba golini urib ketdi. Shu tariqa Ispaniya yarim finalga yo‘l oldi. 

Portugaliya va Fransiya uchrashuvida asosiy hamda qo‘shimcha bo‘limlarda hisob ochilmadi. Uchrashuv g‘olibi penaltilar seriyasida aniqlandi. Unda Fransiya 5:3 hisobida zafar quchdi va yarim final yo‘llanmasini qo‘lga kiritdi.

Endi Ipaniya va Fransiya termalari yarim final bosqichida 10 iyul kuni o‘zaro raqobatlashadi.  

Bugun esa chorak final doirasida Angliya - Shveysariya, Turkiya - Niderlandiya termalari bahsiga guvoh bo‘lamiz.

Javohir Toshxo‘jayev, O‘zA