Футбол бўйича Европа чемпионатининг чорак финали доирасида Испания - Германия ва Португалия - Франция терма жамоалари баҳси бўлиб ўтди.

Дастлаб, Германия Испанияга 1:2 ҳисобида имкониятни бой бериб қўйди. Беллашувнинг 51-дақиқасида Ольмо ҳисобни очган бўлса, Вирц 89-дақиқада мувозанатни тиклади. Қўшимча бўлимлар тугаши арафасида Мерино ғалаба голини уриб кетди. Шу тариқа Испания ярим финалга йўл олди. 

Португалия ва Франция учрашувида асосий ҳамда қўшимча бўлимларда ҳисоб очилмади. Учрашув ғолиби пенальтилар сериясида аниқланди. Унда Франция 5:3 ҳисобида зафар қучди ва ярим финал йўлланмасини қўлга киритди.

Энди Ипания ва Франция термалари ярим финал босқичида 10 июль куни ўзаро рақобатлашади.  

Бугун эса чорак финал доирасида Англия - Швейцария, Туркия - Нидерландия термалари баҳсига гувоҳ бўламиз.

Жавоҳир Тошхўжаев, ЎзА