Германия сыртқы істер министрі Хайко Маас 26 шілдеде «Rheinische Post» газетіне берген сұхбатында Ресейдің «Үлкен жетілікке» қайта оралу ұсынысына Гремания қарсы екендігін мәлімдеді.

«Ресейдің форматтан шығарылу себебі - Қырымды аннексиялау және Украинаның шығыс бөлігіндегі жағдайға араласуымен байланысты. «Мен бұл мәселе шешілмейінше Ресейді мұнда шақыруға ешқандай себеп көріп отырған жоқпын», - деген Хайко Маас.

Оның айтуынша Германия Донбасс мәселесінде Минск келісімдерін қолдайтынын, дегенмен Қырымды Украинаның бір бөлігі ретінде қарастыруды жалғастыратынын атап өткен.

Сонымен қатар, Германия СІМ басшысы Трамптың Ресей Федерациясынан басқа, Австралияны, Үндістанды және Оңтүстік Кореяны G7 саммитіне шақыру жоспарларына түсінік бере «G7 және G20 екі келісілген формат болып табылады» дей тұрып, «Бізге G11 немесе G12 қажет емес», - деп түйіндеген өз сөзін.