Берлиндегі Өзбекстан елшілігінде «Arton» және «Wehrhahn Gmbh» компанияларының өкілдерімен кездесу өтті.

Uzsm дерегінше, онда Германия компанияларының өкілдері Үргеніш және Әндіжан қалаларында 2024 жылы іске қосылатын екі жаңа зауыттың өндірістік желілерін жеткізу туралы келісімге қол қойды.

Бұл зауыттар нарықта барған сайын танымал болып келе жатқан автоклавты газабетон шығарады.

Сондай-ақ компания өкілдері 2024-2025 жылдары Науаи және Термез қалаларында екі жаңа зауыт салу, өндірістік желілерді жеткізу және зауыттарды іске қосу туралы меморандумға қол қойды.

Әндіжан қаласындағы зауыттың өндірістік қуаты жылына 600 мың текше метр, Үргеніш қаласында 300 мың текше метр, жалпы құны 46 миллион еуроны құрайды. Термез бен Науаидағы жаңа газабетон зауыттары неміс өндірісінің желілерімен жабдықталады.

Термез қаласында жылына 300 мың текше метр қуатына ие газабетон зауыты, Науаи қаласында жылына жылына 600 мың текше метр газабетон зауыты және 2 250 000 текше метр фиброцемен панелдері зауыты салынады. Меморандумның жалпы құны 75 миллион еуроны құрайды.