Германия канцлері Олаф Шольц Финляндия мен Швецияны Солтүстік Атлантикалық альянсқа кіруге шешім қабылдаса, Германия оларды қолдайтынын мәлімдеді.

«Егер бұл екі ел НАТО альянсының бір бөлігі болғысы келетінін шешсе, онда олар біздің қолдауымызға сенім артса болады», - деді ол сейсенбіде екі елдің премьер-министрлерімен келіссөздерден кейін.

Мезебергтегі резиденцияда өткен келіссөздер барысында Шольц, бұл елдер өз бетінше шешім қабылдауы керек, десе де Германия үкіметінің барлық мүшелері мұндай шешімді қолдайтынын білдірген.