Германия Федератив Республикасининг мамлакатимиздаги фавқулодда ва мухтор элчиси Манфред Хутерер Андижон вилоятига келди.

Вилоят ҳокимининг ўринбосари Дилшодбек Каримов Германиянинг Ўзбекистондаги фавқулодда ва мухтор элчиси билан учрашиб, мулоқот ўтказди.  

Учрашувда Ўзбекистон ва Германия ҳамкорлигини мустаҳкамлаш, германиялик инвестор ҳамда тадбиркорларни юртимизга, хусусан, Андижонга жалб этиш, тўғридан-тўғри ҳамкорлик алоқаларини ривожлантириш юзасидан фикр алмашилди. Айниқса, иқтисодий, инвестицион, савдо ва технология соҳаларидаги ҳамкорлик истиқболларига алоҳида эътибор қаратилди.

[gallery-21955]

Элчи ҳамкорлик қилиш учун барча соҳаларда Андижон вилоятининг имкониятлари катта эканлигини алоҳида таъкидлади.  

Ф. Убайдуллаев,

З. Умрзоқов (фото),

ЎзА мухбирлари