Тошкент шаҳридаги Геология фанлари университети ҳузурида замонавий технологиялар билан жиҳозланган Геология музейи фаолият кўрсатмоқда.

Давлатимиз раҳбарининг 2020 йил 8 июндаги қарорига мувофиқ фойдаланишга топширилган янги иншоотда бугунги кун талабларига мос барча шарт-шароитлар яратилган. Музей экспозициялари янги концепция асосида ташкил этилган бўлиб, бугунги кунда унинг хазинасида 50 мингга яқин экспонат сақланмоқда. Улар орасида минераллар, тоғ жинслари, ноёб шлифлар ва бошқа геологияга оид топилмалар мавжуд. 

Кўргазма заллари бинонинг уч қаватида жойлашган. Музейда экспонат ва коллекцияларни сақлаш, уларни ўрганиш ишлари замонавий талаблар даражасида ташкил этилган. Бу ерда илмий изланишлар олиб бораётган геологлар, талабалар ҳамда мактаб ўқувчилари зарур маълумотларни олиш имконига эга. 

Шунингдек, Геология музейи бир қатор нуфузли халқаро муассасалар билан ҳамкорлик алоқаларини йўлга қўйган. 2020 йилда ушбу тарихий масканга “Олий тоифали музей” мақоми берилган. Музей нафақат илмий ва маърифий марказ, балки жамоатчиликни табиий ресурслар ҳақида хабардор қилиш, геология соҳасига қизиқиш уйғотишда ҳам муҳим аҳамиятга эга. 

<iframe width="650" height="420" src="https://www.youtube.com/embed/t5kMkxp4MGE" title="Geologiya muzeyida 50 mingga yaqin eksponat saqlanmoqda" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Н.Зиёдуллаева, Анвархўжа Аҳмедов (видео), ЎзА