Исроил Ғазо секторига инсонпарварлик ёрдами олиб кирадиган 600 юк машинасидан фақат 300тасини киритишга рухсат беряпти. Бу ҳаракат ҲАМАС гаровдаги ҳалок бўлганлар жасадини қайтармаганига сабаб сифатида кўрсатиляпти. Бу ҳақда evronews ёзган.

Яқин Шарқда тинчлик ўрнатиш жараёни бошлангач, ЕИ ҳудудида Исроилга қарши санкция киритиш ғоясини қўллаб-қувватловчилар камайди. Европа оммавий ахборот воситалари Брюсселдаги манбаларга таянган ҳолда хабар беришича, бугунги кунда Еврокомиссиянинг санкция бўйича таклифи аъзо давлатлар орасида қўллаб-қувватланиши эҳтимоли жуда кам. Шунга қарамасдан, ЕИ бюрократик тўсиқлар мавжудлиги сабаб, Тель-Авивдан Ғазо секторига гуманитар ёрдам олиб кириш жараёнини енгиллаштиришни сўраяпти. 

Аввалроқ Исроил томони секторга кунига фақат 300 та гуманитар юк машинаси киритилишини маълум қилди. Бу Трампнинг тинчлик режасида белгиланган миқдорнинг тенг ярми. Исроил ҳукумати айни қарор ҲАМАС ҳаракати тинчлик келишувида белгиланган шарт, яъни гаровда ҳалок бўлганлар жасади қайтарилишини бузгани билан боғлиқ, дея тушунтирган. 

Бугунги кунда тинчлик келишувига эришилган бўлса-да, томонлар бир-бирини белгиланган шартларни бажармасликда айблаяпти. Қўйилаётган тўсиқлардан ташқари Ғазога инсонпарварлик ёрдами етказишнинг бошқа муаммоли томонлари ҳам мавжуд. Масалан, зарур кўмак учун маблағ етарли эмас, инфратузилма вайрон бўлган, ёрдам карвонлари ходимлари ҳаракати учун ҳамон хавф мавжуд. 

<iframe width="650" height="420" src="https://www.youtube.com/embed/UYyqwqAzzrg" title="G‘azoda tinchlik o‘rnatish rejasi buzilyapti" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Улуғбек Тўхтаев, ЎзА