Буюк Британиянинг “Financial Times” нашри таъкидлашича, қуролланган гуруҳ Ғазо шимолида жойлашган банкдан камида 120 миллион долларни ўғирлаб кетган.

– Қуролланган талончилар, жумладан ХАМАС ҳаракати томонидан қўллаб-қувватланаётган гуруҳлар сўнгги икки ой ичида Ғазо секторидаги банкдан камида 120 миллион доллар ўғирлаган, – деб ёзган нашр БМТ маълумотига таяниб.

Энг йирик ўғирлик 17 ва 18 апрелда, Фаластиннинг йирик банки талаб кетилишидан хавотир олиб, омборни бетонлаб ташлагандан кейин амалга оширилган. Афсуски, ушбу чора иш бермаган. Гувоҳлар хабар беришича, пул сақланаётган омборда кучли портлаш овози эшитилган. Шундан кейин пуллар ҳавога сочилганини ҳам кўришган. Банк маълумотига кўра, талончилар тахминан 31 миллион долларни ўмаришга муваффақ бўлган.

Хабарда таъкидланишича, икки ой мобайнида қуролли гуруҳлар банкда сақланаётган нақд кўринишдаги маблағнинг камида учдан бирини ўғирлаган. Тахминан 240 миллион доллар сақлаб қолинган.